Нисдэг такси энгийн тарифаар үйлчилнэ
Германы Мюнхенд төвтэй Lilium стартап компани ирэх зургаан жилийн хугацаанд одоо үйлчилж байгаа такситай ижил үнээр, ижил зохион байгуулалттайгаар иргэдийг зөөх нисдэг такси үйлдвэрлэхээр ажиллаж байна. Нисдэг таксийг гар утасны жирийн аппликейшн ашиглан дуудаж болох ба захиалгын дагуу хамгийн ойр байрлах газардах зогсоолд үйлчлүүлэгчийг хүлээж байх юм.
Lilium Jet компани ажлын эхний хэсэг болгож таван суудалтай, нисдэг цахилгаан таксины загварыг танилцуулжээ. Зай хураагуураар ажиллах нисдэг такси нэг удаагийн цэнэгээр 60 минутын турш 300 км газар нисэх хүчин чадалтай ба хот хооронд нислэг үйлдэх боломжтой юм.
Хэдийгээр үнийн тооцоог нарийвчлан гаргаагүй ч авто замаар үйлчилдэг такси тээврээс нэг их ялгаагүй байна гэдгийг стартап компанийн зүгээс мэдэгджээ. Uber болон NASA-ын эрдэмтэн судлаачид, инженерүүд 2023 он гэхэд нисдэг таксийг үйлчилгээнд нэвтрүүлэхээр зэхэж байгаа бол Lilium-ын нисдэг цахилгаан такси 2025 онд ашиглалтанд орно гэж төлөвлөсөн юм.
Тус компанийн гол хөрөнгө оруулагчдаар технологийн хөрөнгө оруулалтын Атомико сан болон Хятадын технологийн манлайлагч Тенсент групп ажиллаж байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.