Сэлбэ болон Дамбадаржаа төвийн оршин суугчид ундны усны эх үүсвэрээр хангагдлаа

Сэлбэ дэд төвд барьж ашиглалтад оруулж буй 1000м3 хүчин чадал бүхий Усан сан, насос станцын барилгын ажил дуусчээ. Сэлбэ дэд төвд усан сан, насос станцын барилга угсралт болон ус хангамжийн шугам хоолой нийлүүлж, суурилуулах ажлыг хийж гүйцэтгэснээр Сэлбэ болон Дамбадаржаа төвийн иргэд оршин суугчид ундны усны эх үүсвэрээр хангагдаж байгаа юм. 

Барилга угсралтын ажлын гүйцэтгэгчээр Санжат ХХК ажиллаж төлөвлөгөөний дагуу товлосон хугацаандаа ашиглалтад хүлээлгэн өгчээ. Туршилт, тохируулга, угаалга шахалт, тест хийх ажил бэлэн болсон байна. Усан сангийн ойр орчмын айлууд нэг км гаруй газраас ундны усаа зөөдөг байна. Тиймээс иргэд ундны усны худагтай болох хүсэлтийг тавьсан бөгөөд хотын захирагч усан сангаа түшиглээд 2-3 худаг байгуулнэ гэж амлажээ. 

Энэ усан сан ашиглалтад орсноор ойр орчмын айл өрхүүд цаашлаад ирэх жилээс хэрэгжүүлж эхлэх орлогод нийцсэн орон сууцны үндсэн дэд бүтцүүдийн нэг болж байна. Энэ төслүүд хэрэгжиж эхэлснээр Улаанбаатар хотын барилгажих ажил эрчимтэй үргэлжлэх боломж нь бүрдэнэ гэж үзэж байна.