Болгар сэтгүүлчийн хэрэгт холбоотой сэжигтнийг барив

Өнгөрсөн амралтын өдөр Болгарын алдартай сэтгүүлч эмэгтэй бусдын гарт хүчирхийлүүлж амиа алдсан байдалтай олдсон. Тус улсын төр засгийн тэргүүнүүд цагдаагийн шилдэг мөрдөгчидтэй хамтран хэргийг нэн даруй илрүүлэхээ амлаад байгаа тухай бид өчигдөр "Болгар сурвалжлагчийг хүчирхийлэн хороожээ" мэдээлсэн. 

Тэгвэл уг гэмт хэргийг үйлдсэн байж болзошгүй эрэгтэйг сэжигтнээр баривчлан саатуулсан байна. Сэжигтнийг Украйн гаралтай Румын улсын иргэн гэхээс өөр мэдээлэл өгөөгүй. Гэмт хэрэг гарсан Рюс хотын цагдаагийн ярьснаар сэжигтнийг саатуулаад 24 цагийн дараа хэрэгт холбогдолгүй гэж үзээд тавьж явуулсан гэнэ. 

Сэтгүүлч Викториа Маринова амиа алдсан байдалтай Дунай мөрний ойролцоо өвсөн дундаас олдсон. Амиа алдахаасаа өмнө Европын Холбооны төсвийн сан, улс төрчид, бизнес эрхлэгчдийн авилгын хэргийг эрэн сурвалжилж байжээ. Сүүлчийн нэвтрүүлгээ есдүгээр сарын 30-ны өдөр эфирт цацсан байна.

Мариновагийн үхлийг хийж байсан ажилтай нь холбоотой гэж тайлбарлахад эрт байна. Сэтгүүлч эмэгтэйг ямар нэгэн байдлаар дарамт шахалтанд оруулсан мэдээлэл хараахан олдоогүй. 

Эх сурвалж: www.nbcnews.com, www.foxnews.com