LIVE: Хуульчид УИХ-ын гишүүн Ц.Гарамжавыг шалгуулахаар АТГ-т хандлаа
УИХ-ын гишүүн Ц.Гарамжавын эзэмшил болох Монполимет ХХК нь Монголбанкинд буюу Монгол Улсад 10,615,924,551 төгрөгийн хохирол учруулсан асуудлыг шалгуулахаар хууль Д.Хишигбаяр, Н.Бямбадорж нар өнөөдөр АТГ-т гомдол гаргалаа.
Хуульч Д.Хишигбаяр:
Монголбанкны эрх бүхий албан тушаалтнууд эрх мэдэл, албан тушаалын байдлаа урвуулан ашиглаж “Монполимет” ХХК-д хууль бус давуу байдал олгож, төрд 10,615,924,551 төгрөгийн хохирол учруулсан.
“Монполимет” ХХК нь Монголбанкнаас авсан 10,615,924,551 төгрөгийн төлбөр төлөх үүргээ зохих ёсоор, шударгаар биелүүлээгүй учир Монголбанк Сүхбаатар дүүргийн эрүүгийн хэргийн анхан шатны шүүхэд нэхэмжлэл гаргасан боловч хөөн хэлэлцэх хугацаа дууссан гэх үндэслэлээр Монголбанкны нэхэмжлэлийн шаардлагыг хэрэгсэхгүй болгосон байна.
Хамгийн хачирхалтай нь Монголбанк анхан шатны шүүхийн шийдвэрийг эсэргүүцэж, давж заалдах болон Улсын Дээд шүүхэд гомдол гаргахгүйгээр уг асуудлыг орхисон нь авлига, ашиг сонирхлын зөрчилтэй байж болзошгүй хэмээн үзэж байна.
Зохион байгуулалттайгаар 10 гаруй тэрбум төгрөг төлөхгүй байх хууль бус давуу байдал олж авсан байж болзошгүй үйлдэлд Монголбанкны албан тушаалтнууд санаатайгаар албан тушаалын байдлаа урвуулан ашиглаж оролцсон хэмээн үзэж байна гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.