Токиогийн алдарт Цукижи зах хаалгаа барив

Япон улс түүх, соёлын олон алдартай бүтээлүүдээрээ жуулчдын сонирхлыг татаж, нүдийг хужирладаг. Эдгээрийн нэг бол Токиогийн алдарт Цукижи загасны зах юм. Гэтэл далайн гаралтай хоол хүнс сонирхож жуулчид олон мянгаараа зорин ирдэг зах хаалгаа барьжээ.

1930-аад оны дунд үеэс хойш үйл ажиллагаагаа явуулж дэлхийн хамгийн том загас, далайн гаралтай бүтээгдэхүүний зах болж өргөжсөн худалдааны газрын үүдэнд хаалттай гэсэн тэмдэглэгээ тавьсан байна. Загасны бөөний зах байрлалаа солин нүүж Тоёсу загасны захын байранд дахин нээгдэхээр болжээ. Шинэ худалдааны төв аравдугаар сарын 16-ны өдөр үйл ажиллагаагаа эхлүүлнэ.

Цукижи зах өдөр бүр 28 сая долларын далайн гаралтай хүнс худалддаг. Зах дээр байгаа бүх бараа усны амьтадтай холбоотой байсан тул жуулчдын заавал очих газруудын нэг болсон байна. Гэвч захын барилга байгууламж 1935 онд баригдсан хэвээрээ, байрлал нь 2020 оны Токиогийн Олимпийн нэгэн байгууламжийн газар болжээ. Тиймээс нүүлгэн шилжүүлэх асуудал 2010 он гараад илүү эрчимтэй яригдаж эхэлсэн байна.

Цукижи зах руу ороход нэвтрэх тасалбар худалдаж авдаг байсан бол шинээр нээгдэх Тоёсу зах үнэ төлбөргүй далайн амьдралыг жуулчдад танилцуулна. Үүрийн 4:30 минутаас үдшийн 20 цаг хүртэл ажиллах юм байна.

Эх сурвалж: www.cnn.com