Их аварга Хакухо М.Даваажаргал иргэншил, нэрээ солилоо
Японы мэргэжлийн сумо бөхийн 69 дэх их аварга Хөдөлмөрийн баатар, МУГТ М.Даваажаргал иргэншлээ солино гэсэн мэдээ энэ оны эхэнд ам дамжин яригдаж байсан ч өчигдөрхөн баталгаажиж Японы иргэншил авч буйгаа албан ёсоор зарлалаа.
Тэрээр анх 16 насандаа Японы мэргэжлийн сумод хөл тавьж 18 жил сумо бөхийн дэвжээнд ноёрхлоо тогтоож байгаа юм. Их аварга маань 2007 онд япон бүсгүйтэй гэр бүл болоход нь монголчууд битүүхэндээ дургүй байсан. Үүнээс 10 жилийн дараа буюу 2017 онд зодог тайлсныхаа дараа өөрийн нэрээр дэвжээ нээхийн тулд Японы иргэншилтэй болохоор төлөвлөж буйгаа мэдэгдэж байлаа.
Өмнө нь Ёкозүна цолтой гадны иргэн болох Акебоно болон Мусашимару нар иргэншлээ сольж өөр өөрсдийн нэрээр дэвжээ нээж байлаа.
Хакухо их аварга иргэншлээ сольсны сацуу нэрээ өөрчилж Хакухо Шёо нэртэй болсон байна. Тэрээр сэтгүүлчдэд хандан: "Монгол, Япон хоёр орны төлөө, сүмо бөхийн төлөө хичээн зүтгэнэ" хэмээн хэлсэн байна.
Манай сайт энэ оны дөрөвдүгээр сард их аваргыг иргэншлээ солих тухай ид яригдаж байх үед "Хакухо М.Даваажаргал: Хаалга нь байвч гарах үүд нь байхгүй болчихлоо" нийтлэл гаргаж байсан билээ. Уг нийтлэлийг нөхөж уншихыг хүсвэл энд дарна уу.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.