Ерөнхийлөгчийн дахин сонгууль болно
Өнгөрсөн ням гарагт Бразил улсад Ерөнхийлөгчийн сонгуулийн санал хураалт болж өнгөрлөө. Сонгуулиар ялагч тодорсонгүй. Учир нь нэр дэвшигчдийн хэн нь ч 50-иас илүү хувийн санал авч чадаагүй байна.
Энэ бол гэнэтийн үр дүн биш. Сонгуулийн өмнөх судалгаагаар Хөдөлмөрчдийн намын нэр дэвшигч 72 настай Фернандо Хаддад болон Нийгмийн либерал намын нэр дэвшигч 63 настай Жайр Болсонаро нар эхний шатны сонгуульд тунаж үлдэнэ гэж таамаглажээ. Таамаг ёсоор барууны болон зүүний үзэл баримтлагчид энэ сарын 28-ны өдөр дахин өрсөлдөхөөр болов. Барууны үзэл баримтлагч Жайр Болсонара иргэдийн 46 хувийн санал авснаар энэ удаагийн санал хураалтыг тэргүүлсэн байна.
Сонгуулийн хорооноос санал хураалт тайван, томоохон хүндрэл бэрхшээл гаралгүй болж өнгөрсөн аж. Болсонарогийн дэмжигчид түүнийг эхний шатны сонгуулиар гарч чадаагүй ч дараагийн удаад ялалт байгуулах нь гарцаагүй хэмээн хүлээж буй. Гэвч санал өгч буй иргэдийн байр суурь харилцан адилгүй байгаа юм. Бразилчуудад дараагийн Ерөнхийлөгчөө сонгоход дахин бодож үзэх гурван долоо хоногийн хугацаа бий.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.