БОАЖЯ ирэх онд 11.6 их наядыг зарцуулна
2019 оны улсын төсөв хэлэлцэж байгаа энэ үед Байгаль орчин, аялал жуулчлалын салбарт хэдий хэмжээний мөнгө төсөвлөгдөх урьдчилсан тооцоо гарсныг тодрууллаа.
БОАЖ-ын сайд Н.Цэрэнбат: “2019 оны төсвийг нэлээд олон талыг бодож төсөвлөсөн. 2019 оны төсвийн тэнцвэржүүлсэн орлого 9,7 их наяд төгрөг, зардал 11,6 их наяд төгрөг байх төлөвтэй. Харин төсвийн алдагдал 1,9 их наяд төгрөг. Гэхдээ үүний 1,3 их наяд нь гадаадын хөнгөлөлттэй зээлээр хэрэгжих төсөл. Тухайлбал, УБ хотын Цэвэрлэх байгууламж, Нефть боловсруулах үйлдвэр, Дархан УБ чиглэлийн зам зэрэг урьд өмнө авчихсан байсан хөнгөлөлттэй зээлүүдийн хөрөнгөөр санхүүжигдэнэ.
Үлдэж байгаа мөнгийг бид Тогтворжуулалтын сан болон, Ирээдүйн өв сан, мөн Засгийн Газрын мөнгө санхүүд зөв менежмент хийх замаар арилжааны банкуудаас өндөр хүүтэй зээл авахгүйгээр санхүүжүүлэхээр тооцож төсвөө боловсруулсан.
Зөвхөн улсын төсвөөс хийгдэх хөрөнгө оруулалтын хэмжээ 1,3 тэрбум, зээлээр хэрэгжих төсөл 1,3 тэрбум тооцоход 2,6 их наяд төгрөгийн хөрөнгө оруулалт төлөвлөгдсөн байна” хэмээн хэлсэн юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.