Монголын Зам тээврийн хөгжлийн яамны ажилтнууд албан тушаалын маргаанаас болж ажлынхаа байранд нэгнээ хороосон хэрэг нь авлигатай холбогдсон төдийгүй Засгийн газрын ажилтны ёс зүйг уландаа гишгэсэн явдал болж яамны сайдаа огцруулав. Өнгөрсөн долоо хоногийн пүрэв гарагт Улсын их хуралд санал хурааж Ж.Бат-Эрдэнэ Зам тээврийн хөгжлийн яамны сайдаас огцорлоо.

Наймдугаар сарын 9-ний өдөр тус яамны Хяналт шинжилгээ үнэлгээ, Дотоод аудитын газрын дарга Төмөрхуягийн Гомбосүрэн ажлын байрандаа зодуулж амиа алдсан. Хэрэг гарсны маргааш тус яамны Төрийн захиргаа, удирдлагын газрын дарга Бадамын Махбалыг хүн амины хэрэгт холбогдуулан баривчилсан.Одоогоос сарын өмнө хохирогчийн аав сэтгүүлчдэд мэдээлэл өгөхдөө “2018 оны хоёрдугаар сараас хойш миний хүүг огцор гэж дарамталсаар байсан. Ажлыг нь булаахыг хүссэн хүмүүс л хүүг минь хороосон” гэжээ. Сэжигтэн Б. Махбалыг Зам, тээврийн хөгжлийн сайд Бат-Эрдэнэ өнгөрсөн жил томилж байжээ.

Улсын их хурлын гишүүд аллагын гэмт хэргийг албан тушаалын маргаанаас улбаатай гэж ярьсан байна. Тухайлбал Улсын их хурлын гишүүн Ю.Оюундарь “Төрийн албан тушаалаас болж маш аймшигтай хэрэг гарлаа. Үүнийг энгийн нэг тохиолдол гэж хэзээ  ч хүлээн зөвшөөрч болохгүй” гэжээ. Мөн хохирогчийн эхнэртэй нэг аингид сурч байсан УИХ-ын гишүүн Ж.Мөнхбат “Гомбосүрэн амиа алдахаасаа өмнөхөн надад хагас жилийн турш дарамтанд байна гэдгээ хэлж байсан. Махбал Гомбосүрэнг 6, 7 удаа өрөөндөө дуудаж оронд нь өөр хүн ажилд авна гэж шахаж дарамталсан байдаг” гэжээ.

Хятад, Орос хоёрын дунд гацсан, далайд гарцгүй ардчилсан Монгол улсад төрийн албанд зүтгэнэ гэдэг маш нэр хүндтэй хэрэг гэжээ

Эх сурвалж: www.dailymail.co.uk  

 

 

---