Улсын аварга Э.Оюунболд Захиргааны хэргийн шүүхэд өргөдөл гаргажээ
Монгол Улсын аварга Э.Оюунболдын итгэмжлэгдсэн төлөөлөгч Т.Даваахүү өнөөдөр өглөө 10.30 цагийн үед Захиргааны хэргийн шүүхэд өргөдөл гаргажээ. Уг өргөдлийн агуулга нь “Улсын аварга Э.Оюунболд миний бие сэргээш хэрэглэсэн гэх асуудал эцэслэгдэн тогтоогдоогүй байхад сэргээш хэрэглэсэн мэтээр олон нийт зарлалаа. Мөн сэргээш хэрэглэсэн гэх маргааныг эцэслэн шийдвэрлээгүй байхад Баяр наадмыг зохион байгуулах хорооноос надад Монгол Улсын Ерөнхийлөгчийн зарлигаар олгосон Улсын аварга цолыг хураалгах тухай захиргааны актыг хүргүүлсэн байна. Уг актыг биелэлтийг маргаан эцэслэн шийдвэрлэх хүртэл түдгэлзүүлж өгнө үү” гэсэн байжээ.
Улсын аварга Э.Оюунболдын өргөдөл одоогийн байдлаар Захиргааны хэргийн шүүхийн аль нэг шүүгчид хуваарилагдсан байгаа бөгөөд ирэх баасан гаригт хэрэг үүсгэх үү, эсвэл хэрэг үүсгэхгүйгээр гомдлыг хаах уу гэдэг тодорхой болох аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.