Колумб: Фарк босогчдын бүлэг дайн дахин эхэлснийг зарлав
Колумбын Хувьсгалт зэвсэгт хүчин буюу Фаркын удирдагчид дайн дахин эхэлснийг мэдэгдэж олон нийтэд зарлажээ. Колумбын Засгийн газар болон Фарк зэвсэгт бүлэг энхийн гэрээ хэлэлцээр байгуулаад гурав орчим жилийн хугацаа өнгөрсөн юм.
Тус зэвсэгт бүлгийг удирдаж байсан Иван Маркуэз, Жесүс Сантрич нар дайсагнасан бичлэгээ пүрэв гарагт Youtube сувагт байршуулсан байна. Тэд одоо байгаа Колумбын Ерөнхийлөгч Иван Дуке болон түүний Засгийн газрыг Куба улсад байгуулж байсан энхийн гэрээ хэлэлцээрийг даган мөрдөөгүй хэмээн шүүмжлэн буруутгажээ.
Фаркын удирдагчид үзэл суртлын дайнд хэзээ ч ялагдаж эсвэл бут ниргүүлэхгүй учраас тэмцэл зөрчил үргэлжилж байгаа гэжээ. 2016 онд Кубын нийслэл Гаванад байгуулсан энхийн хэлэлцээрээр хагас зууны туршид үргэлжилсэн дайн дууссан тухай дэлхий нийт мэдээлсэн юм.
50 гаруй жил үргэлжилсэн дайнд 260,000 иргэн алагдаж, долоон сая иргэн орон гэрээсээ дүрвэсэн байна.
Мэдэгдэл хийсэн хүмүүсийн нэг Маркуэз Гаванагийн энхийн хэлэлцээрт босогчдыг толгойлсон бол Сантричийг АНУ хууль бус мансууруулах бодис наймаалсан хэргээр эрэн сурвалжилж байна. Энхийн хэлэлцээр хэрэгжих явцад Фарк-ын долоон мянган дайчин НҮБ-ын хяналттай бие бүрэлдэхүүнд зэвсгээ хураалгасан ч энхийг хүсээгүй хэсэг бүлэг дайчид хууль бус үйлдлээ үргэлжлүүлж иржээ.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.