Замын түгжрэлийн мэдээллийг LiveTV.MN сайт 1 цаг 30мин тутамд мэдээлнэ
LiveTV.MN сайтаар та замын хөдөлгөөний нөхцөл байдлын тухай мэдээллийг ирэх долоо хоногоос буюу 2018 оны 10 дугаар сарын 11-ний өдрөөс эхлэн өдөр бүр хүлээн авах боломжтой боллоо. Бид 1 цаг 30мин тутамд хамгийн их түгжрэлтэй байгаа автозамуудын мэдээллийг шууд Live дамжуулна.
Замын хөдөлгөөний удирдлагын төвийн мэргэжилтэн замын ачааллын талаарх мэдээллийг дэлгэрэнгүй тайлбартайгаар хүргэх учраас та хаа ч явсан гар утас, таблет, суурин компьютерээс уг мэдээллийг дуу, дүрсний өндөр чанартайгаар шуурхай хүлээн аваарай.
Улаанбаатар хотын замын хөдөлгөөний мэдээллийг өмнө нь телевизийн дэлгэцээр тодорхой цагт хүлээн авдаг байсан бол ирэх долоо хоногоос эхлэн анх удаа LiveTV.MN сайт цахим эфирээрээ шууд дамжуулахаар болж байгаа юм.
Нийслэлийн Засаг даргын орлогч П.Баярхүүгийн санаачилгаар энэхүү ажил хэрэгжиж байгааг дуулгахад таатай байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.