2018 оны 1-р сарын 1-нээс эхлэн Малчны тэтгэвэр тогтоолгох насыг 5 жилээр наашлуулсан хуулийн зохицуулалт хэрэгжиж эхэлсэн юм.

Холбогдох хууль тогтоомжд нийгмийн даатгалын шимтгэлийг нийтдээ 20-иос доошгүй жил, үүнээс 15 жилээс доошгүй хугацаанд малчнаар ажиллаж тэтгэврийн даатгалын шимтгэл төлсөн 55 нас хүрсэн эрэгтэй,  нийтдээ 20-иос доошгүй жил шимтгэл төлсөн үүнээс 12 жил 6 сараас доошгүй хугацаанд малчнаар ажиллаж тэтгэврийн даатгалын шимтгэл төлсөн 50 нас хүрсэн эмэгтэй өндөр насны тэтгэвэр тогтоолгох эрхтэй хэмээн заасан байдаг.

Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт орж ийнхүү малчны тэтгэвэр тогтоолгох насыг 5 жилээр наашлуулсан зохицуулалт  хэрэгжиж эхэлснээс хойш нйдтээ 5574 малчин өндөр насны тэтгэврээ тогтоолгожээ. Мөн оны эхний 09 сарын байдлаар нийгмийн даатгалд сайн дураар 40,3 мянган малчин даатгуулсан байна.

---