ТҮЦ-үүдийг нүүлгэж, газрыг чөлөөлжээ
Нийслэлийн мэргэжлийн хяналтын газар иргэдээс ирүүлсэн гомдол мэдээллийн дагуу Баянзүрх дүүргийн 14 дүгээр хороо, Ахмадын хороолол, наймдугаар байрны зүүн талд байрлалтай ТҮЦ болон тус дүүргийн хоёрдугаар хороо, Цагдаа хотхон, 12 дугаар байрны баруун урд талд тус тус байрлах түргэн үйлчилгээний хоёр цэгийн үйл ажиллагаанд хяналт шалгалт хийжээ.
Шалгалтаар дээрх ТҮЦ-үүдийн эзэд нь тодорхойгүй, сүүлийн 1-2 жилийн хугацаанд үйл ажиллагаа явуулаагүй, эрүүл ахуйн шаардлага хангаагүй орчинд ойр орчмын хөрсийг бохирдуулан хог хаягдлыг ихээр бий болгож, оршин суугчдын эрүүл мэнд, ая тухтай амьдрах нөхцөлд хортой сөрөг нөлөө үзүүлж буй нөхцөл байдал тогтоогдсон тул түргэн үйлчилгээний цэгүүдийг нүүлгэж газрыг чөлөөлжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.