ЭХЭМҮТ-д энэ сарын 24-нд дөрвөн ихэр хүүхэд мэндэлжээ. Энэхүү тохиол дол нь манай улсад дөрвөн ихэр хүүхэд эсэн мэнд мэндэлсэн анхны тохиолдол юм. Улмаар Монгол Улс анхны дөрвөн ихэр хүүхдээ ийнхүү бүртгэж авчээ. Ихрүүд эрүүл саруул төрсөн боловч 1.7 кг жинтэй төрсөн хүүгийн бие тааруу байгаа учраас тусгаарлан эрчимт эмчилгээ хийлгэж байгаа гэнэ.

Дөрвөн ихрийн гурав нь хүү, нэг нь охин аж. Ихрүүдийн ээжийн бие сайн байгаа бөгөөд аав Баттулга нь Сэлэнгэ аймгийн Мандал сумын уугуул, Ерөө сумын цагдаагийн албан хаагч аж. Ихрүүдийг хэсэг хугацаанд эмнэлгийн хяналтад эмчлэх бөгөөд цаашид гэртээ гарах эсвэл улсын асрамжид оруулах эсэхийг шийдвэрлээгүй байгаа гэнэ.

---