Ерөнхийлөгч Х.Баттулга АНУ-д айлчилна
Монгол Улсын Ерөнхийлөгч Х.Баттулга долдугаар сарын 30-нд АНУ-д айлчлал хийхээр төлөвлөсөн байна.
Айлчлал нийт дөрвөн өдөр үргэлжлэх бөгөөд айлчлалын үеэр Монголын ноос ноолууран бүтээгдэхүүнийг татваргүй оруулах асуудлаар АНУ-тай яриа хэлэлцээ хийхээр болжээ.
АНУ-ын Конгрессын нэр бүхий гишүүд энэ оны дөрөвдүгээр сарын 11-ны өдөр Монгол Улс-АНУ-ын хоорондох оёмол, сүлжмэл бүтээгдэхүүний худалдааг нэмэгдүүлэх зорилготой гуравдагч хөршийн худалдааны хуулийг дахин хэлэлцүүлэхээр Конгресст өргөн барьсан юм.
Уг хуулийн төслийг Монгол Улсын Ерөнхийлөгч Х.Баттулга дэмжиж байгаагаа илэрхийлж байсан удаатай.
Үүний зэрэгцээ, Монгол Улсын Ерөнхийлөгч Х.Баттулга Стратеги, Олон улсын судалгааны төв буюу CSIS хүрээлэнгээс зохион байгуулж буй Global Leaders Forum-д оролцож, "АНУ-Монгол Улсын ирээдүйн харилцаа" сэдвээр илтгэл тавих ажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.