LIVE: Б.Батбаатар: МЗХ-ны тэргүүн А.Мөнхбатыг нэн даруй огцруулах хэрэгтэй байна

 Монголын залуучуудын холбоог шинэчлэх хөдөлгөөний зохицуулагч Г.Ганбаатар:

Монголын залуучуудын холбоонд үүсээд байгаа асуудлын талаар, тус холбооны Ерөнхийлөгч А.Мөнхбат үндсэн дүрмээ зөрчсөн, намжсан, шашинжсан, ёс бус үйлдлийг хийж байгаа талаарх мэдээллийг хүргэе.

Монголын залуучуудын холбоо нь 1921 онд үүсгэн байгуулагдсан, удахгүй 100 жилийн ойгоо хийх гэж буй түүхэн байгууллага мөн. Гэвч тус холбооны ерөнхийлөгч А.Мөнхбат намжсан, шашинжсан, наймаалцсан ажил хийж, салбар хороодынхоо дарга нарыг хууль бусаар халж солих, дарамтлахаас өөр ажил хийхээ байсан нь олон залуучуудын дургүйцлийг хүргэж байна.

А.Мөнхбат нь 2016 оны УИХ-ын болон орон нутгийн сонгуулиар өөрийнхөө намын өмнөөс хийж буй ажлаа Залуучуудын холбооны өмнөөс хийж буй мэтээр сурталчилж, цагаан жагсаалтад оруулж өгнө хэмээн хүмүүстэй наймаалцсан. Залуучуудын холбооны байранд бөөгийн шашны үйл ажиллагаа явуулж, байгууллагынхаа хийж буй төсөл хөтөлбөр, бүх ажлаа хааж нууж байгаа учраас Залуучуудын холбоог шинэчлэх хөдөлгөөнийг эхлүүллээ гэв.