Жил жилийн үндэсний их баяр наадмын нээлтийн тасалбар маргаан дагуулдаг. Хугацаа тулгаж худалдаанд гаргадгаас болж хөдөө, гадаанаас исэн олон иргэд нээлтийн тасалбаргүй үлдэж, жуулчдад хүрэлцдэггүй. Тиймээс наадмын тасалбарыг хүртээмжтэй бөгөөд эмх цэгцтэйгээр худалдаахыг иргэд, олон нийт шаарддаг билээ. Мөн наадмын нээлтийн тасалбарыг цахимаар худалдахыг хүмүүс санал болгодог ч жил бүр билетийн кассаар дамжуулан худалддаг хэвээр байгаа юм.

Тэгвэл өнөө жил ч мөн цахимаар худалдаахгүй гэж зохион байгуулах комиссынхон мэдэгджээ. Энэ талаар НЗДТГ-ын Нийгмийн бодлогын хэлтсийн дарга М.Эрдэнэжаргал  "Онлайнаар борлуулна гэхээр ахмад настай бусад хүмүүстээ үзүүлэхэд төвөгтэй байдал үүсээд байна гэж бид үзсэн" хэмээн тайлбарлажээ. 

Гэхдээ яг хэдийд худалдаанд гарах нь хараахан тодорхой болоогүй ч 07-р сарын 6,7-ны үед борлуулагдаж эхлэх болов уу хэмээн таамаглаж байгаа ажээ. Юутай ч тасалбарын үнэ нэмэгдээгүй  07-р сарын 11, 12-ны өдрийн багц тасалбар 16-24 мянган төгрөгийн үнээр худалдаанд гарахыг онцолжээ. 

---