Сонирхогчдын боксын дэлхийн аварга шалгаруулах тэмцээний хүрэл, Азийн наадам, Ази тивийн хошой аварга МУГТ Э.Цэндбаатар мэргэжлийн рингэнд тулалдсаар ялагдал гээчийг үзээгүй явна.
Өнөөдрийн байдлаар тэрээр мэргэжлийн найман тулаанд орж бүх өрсөлдөгчөө буулган аваад байгаа юм. Хамгийн сүүлд өнгөрөгч оны 12 сарын 16-ны өдөр АНУ-ын Нью Йорк хотноо "Holiday Fight Night 2" эвэнтийн оргил тулаанд Доминиканы шилдэг боксчинтой тулалдаж дутуу гаргасан билээ. Доминиканы Ёхан Васкуез мэргэжлийн 29 тулаанд орж 25 ялахдаа 20 өрсөлдөгчөө дутуу гаргасан гайхалтай тулаанч юм. Тэрээр мэргэжлийн карьертаа нэг ч удаа хүнд цохилтоор ялагдаж үзээгүй байсан ч МУГТ Э.Цэндбаатар түүнийг өвдөг сөхрүүллээ.
Ийнхүү Э.Цэндбаатар мэргэжлийн найман тулааны дөрөвт нь өрсөлдөгчөө хүнд цохилтоор буулган авлаа. Аваргадаа цаашдын тулаануудад нь амжилт хүсэн ерөөе.
