Мэргэжлийн сумо бөхийн цагийг эзэлсэн их аварга Хакухо М.Даваажаргал Нагоя башёгийн дараа Миягино дэвжээгээ өвлөн авч Магаки нэртэйгээр дэвжээний эзэн болсон билээ.
Тэгвэл их аваргын зодог тайлах ёслол ирэх оны нэгдүгээр сарын 28-ны өдөр болох тов гарчээ. Зодог тайлах ёслол уламжлал ёсоор Рёогокү Кокүгикан ордон болох ба энэ үеэр шүтэн бишрэгчдэдээ зориулж сүүлийн удаа их аваргын ёслол хийх юм байна. Зодог тайлах ёслол нийтэд нээлттэй болох бөгөөд тус өдрийн тасалбар энэ оны 11 дүгээр сарын 1-ний өдөр цахимаар борлуулагдана.
