22 хүртэлх насны боксын Ази тивийн аварга шалгаруулах тэмцээнийг шууд дамжуулан үзүүлж байна. 

Узбекистан улсын нийслэл Ташкент хотноо өчигдөр /нэгдүгээр сарын 22/ албан ёсоор эхэлсэн 22 хүртэлх насны боксын Ази тивийн аварга шалгаруулах тэмцээнд Ирак, Япон, Иордан, Кувейт, Киргизстан, Малайз, Монгол, Пакистан, Саудын Араб, Шри-Ланка, Тажикстан, Узбекистан зэрэг 12 орны 109 боксчин өрсөлдөж байна. Манай улсаас тус тэмцээнд 15 боксчин оролцож байгаа ба эх орноо төлөөлөн өрсөлдөж буй ширэн бээлийтнүүдийн мэдээллийн ЭНД дарж үзнэ үү. 

Тэмцээний эхний өдөр эрэгтэйчүүдийн -51кг, -54кг, -67кг жингийн зургаан тулаан явагдсан ба манай улсаас -51кг жинд Х.Азбаяр, -67кг жинд А.Жандос нар тулалдан ялалт байгууллаа. Манай хоёр тулаанчийн бичлэгийг бүрэн эхээр нь ЭНД дарж үзнэ үү. Өнөөдөр тэмцээний хоёр дахь өдөр манай дараах боксчид тулалдах хуваарьтай байна.

• Эрэгтэйчүүдийн -48кг жинд О.Өнөболд Саудын Арабын боксчинтой /эхний тулаан/
• Эрэгтэйчүүдийн -57кг жинд Г.Лундаа хүрэл медалийн төлөө Японы боксчинтой /хоёр дахь тулаан/
• Эрэгтэйчүүдийн -60кг жинд Б.Буяндалай хүрэл медалийн төлөө Тажикстаны боксчинтой /тав дахь тулаан/
• Эрэгтэйчүүдийн -63.5кг жинд Б.Төгөлдөр хүрэл медалийн төлөө Тажикстаны боксчинтой /найм дахь тулаан/