Японы мэргэжлийн сумо бөхийн Хацу башёгийн зургаа дахь өдрийн барилдааныг шууд дамжуулан үзүүлж байна. 

Таван өдрийн дараах байдлаар Ёкозүна Тэрүнофүжи Г.Ган-Эрдэнэ, Секивакэ Митакеуми, Аби нарын гурван бөх дээд зиндаанд нэг ч уналгүйгээр тэргүүлж байна. Тав дахь өдрийн барилдааны тойм болон дээд зиндаанд барилдаж буй монгол бөхчүүдийн даваа, унааны мэдээллийг ЭНД дарж үзнэ үү. 

Хацу башёгийн зургаа дахь өдөр буюу өнөөдөр дээд зиндаанд барилдах монгол бөхчүүдийн оноолтын мэдээлэл: 

Маэгашира 6 Хошорюу С.Бямбасүрэн (3-2) - Маэгашира 4 Окиноуми (0-5)
Маэгашира 5 Чиёошома Г.Мөнхсайхан (2-3) - Маэгашира 5 Оношо (4-1)
Маэгашира 1 Кирибаяама Б.Лхагвасүрэн (1-4) - Маэгашира 2 Ура (1-4)
Маэгашира 2 Ичиножо А.Ичинноров (2-3)  - Озеки Шодай (3-2)
Ёкозүна Тэрүнофүжи Г.Ган-Эрдэнэ (5-0) - Маэгашира 3 Тамаваши Б.Мөнх-Оргил (4-1)

Өнөөдрийн онцлох барилдаан бол башёг тэргүүлэгч монгол бөхчүүд болох Ёкозүна Тэрүнофүжи Г.Ган-Эрдэнэ, Тамаваши Б.Мөнх-Оргил нар хоорондоо 16 дахь удаагаа учраа таарсан байна. Өмнө нь 15 удаа учраа таарахад Ёкозүна Тэрүнофүжи Г.Ган-Эрдэнэ 10 удаад нь даваад байгаа юм.