Сонирхогчдын боксын өсвөр үе, залуучуудын Ази тивийн аварга шалгаруулах тэмцээн анх удаа хамт зохион байгуулагдана.
Өсвөр үе буюу 15-16 насны ангилал, залуучууд буюу 17-18 насны ангиллын тэмцээн өнөөдрийг хүртэл тус тусдаа зохион байгуулагддаг байсан бол энэ жилийн хувьд хамтдаа нэг дор зохион байгуулагдахаар боллоо.
Арабын нэгдсэн Эмират улсын Дубай хотноо наймдугаар сарын 17-31-ний хооронд зохион байгуулагдах энэхүү тэмцээнд эмэгтэй, эрэгтэй бүх жинд буюу дараах жинд зохион байгуулахаар болжээ.
Хамгийн сүүлд 2019 оны 11 дүгээр сард Монгол улсын нийслэл Улаанбаатар хотноо зохион байгуулагдсан Ази тивийн залуучуудын аварга шалгаруулах тэмцээнд Киргизстан, Тайваниас анхны тивийн аварга төрж байлаа. Энэ жил ч олон олон шинэ аваргууд төрөх нь дамжиггүй.
Ташрамд сонирхуулахад өнгөрсөн сард Дубай хотноо насанд хүрэгчдийн Ази тивийн аварга шалгаруулах тэмцээн анх удаа өндөр мөнгөн шагналтайгаар зохион байгуулагдаж манай тамирчид гурван алт, таван хүрэл медаль хүртэн багийн дүнгээр гуравдугаар байранд орсон билээ. Тус тэмцээнд алтан медаль хүртсэн монгол боксчдын тулааны бичлэгийг ЭНД дарж үзнэ үү.
