Сонирхогчдын боксын Ази тивийн аварга шалгаруулах тэмцээний хагас шигшээ тулааныг шууд дамжуулан үзүүлж байна.   

Өнөөдрөөс жин, жингийн хагас шигшээ тулаанууд эхэлж байгаа ба эмэгтэйчүүдийн хагас шигшээ тулаанд манай гурван боксчин тулалдана. 

• -51кг жинд Л.Алтанцэцэг тус жинг тэргүүлэн тулалдаж буй дэлхийн зургаан удаагийн аварга Энэтхэгийн алдарт Мари Комтой тулалдана. /гурав дахь тулаан/
• -54кг жинд Э.Мичидмаа Узбекистаны Ситора Шогдароватай тулалдана. /зургаа дахь тулаан/
• -75кг жинд олимпын эрхээ авсан М.Мягмаржаргал Азийн наадмын хүрэл, Азийн аваргын алт, мөнгө, хүрэл медальт Энэтхэгийн Поожа Ранитай тулалдана. /15 дахь тулаан/

Арабын Нэгдсэн Эмират улсын Дубай хотноо зохион байгуулагдаж буй Ази тивийн аварга шалгаруулах тэмцээнд манай улсаас 13 шилдэг ширэн бээлийтэн тулалдаж байгаа ба манай баг, бүрэлдэхүүний мэдээллийг ЭНД дарж үзнэ үү.

Тэмцээний эхний өдөр манай улсаас эрэгтэйчүүдийн -49кг жинд О.Өнөболд, -52кг жинд Х.Энхмандах, -75кг жинд О.Бямба-Эрдэнэ нар тулалдан бүгд өрсөлдөгчдөө илүүрхэн ялсан билээ. Монгол боксчдын тулааныг бүрэн эхээр нь ЭНД дарж үзнэ үү. 

Тэмцээний хоёр дахь өдөр манай улсаас долоон боксчин медалийн төлөө тулалдаж дөрвөн боксчин хүрэл медалийн болзол хангасан. Медалийн болзол хангасан монгол тулаанчдын бичлэгийг ЭНД дарж үзнэ үү.  

Тэмцээний гурав дахь өдөр Э.Цэндбаатар, Б.Мишээлт нар гайхалтай тулааныг хийж өрсөлдөгчдөө илүүрхэн ялсан тулааны бичлэгийг ЭНД дарж үзнэ үү. 

Спорт мэдээ, мэдээллийн www.livetv.mn/sport суваг уламжлал ёсоор 10 хоногийн турш сонирхогчдын боксын Ази тивийн аварга шалгаруулах тэмцээнийг шууд дамжуулан үзүүлэхээс гадна тэмцээний мэдээ, мэдээллийг шуурхай хүргэн ажиллана.