Жүдо бөхийн Анталягийн их дуулга тэмцээний сугалааны явцыг шууд дамжуулан үзүүлж байна.
Энэ жил анх удаа их дуулга ангиллаар зохион байгуулагдах гэж буй Анталягийн их дуулга тэмцээнд таван тивийн 93 орны 476 тамирчин зодоглохоор урьдчилсан мэдүүлгээ өгөөд байгаа юм. Монгол улсын баг тамирчид оролцохгүй ч Япон улсаас олимпийн наадамд зодоглох таван бөх оролцох болсон нь сонирхол татаж байна. Тэр тусмаа эрэгтэйчүүдийн -66кг жинд дэлхийн хошой аварга Хифуми Абе аварга зодоглох болсон нь жүдо сонирхогчдын анхаарлын төвд ороод байна. Тэрээр хамгийн сүүлд жилийн өмнө Дюселдорфийн их дуулга тэмцээнд оролцон түрүүлж байлаа. Монголын жүдо бөх сонирхогчдын анхаарлын төвд эмэгтэйчүүдийн -48кг жинд олимп, дэлхийн хүрэл медальт Г.Отгонцэцэг мөн л бүтэн жилийн дараа олон улсын том тэмцээний дэвжээнээ эргэн ирж байна. Г.Отгонцэцэг өнгөрсөн жил 2020 оны хоёрдугаар сард Парисын их дуулга тэмцээнд оролцсоноосоо хойш жил гаруй хугацаанд тэмцээнд оролцоогүй байгаа юм.
