Японы мэргэжлийн сумо бөхийн Нагоя башёгийн тав дахь өдрийн барилдааны тоймыг толилуулж байна. 

Таван өдрийн дараах байдлаар Ичияамамото болон Митакеуми нарын маэгашира цолтой бөхчүүд нэг ч унаагүйгээр башёг тэргүүлж байгаа бол дөрвөн даваа, нэг унаатайгаар Ёкозүна Оносато, Секиваке Киришима Б.Лхагвасүрэн, Тамаваши Б.Мөнх-Оргил нарын найман бөх тэргүүлэгчдийн араас нэхэж байна. Харин гурван өдөр дараалан өвдөг шороодсон Хошёорюү С.Бямбасүрэн аварга тав дахь өдрийн барилдаанаас башёг орхилоо. Тэрээр башё эхлэхийн өмнө бэлтгэлийн үеэр авсан гэмтэл нь цаашид барилдах боломжгүй зовуурилж байгаа бололтой. 

Башёгийн тав дахь өдөр дээд зиндаанд хүч үзсэн манай бөхчүүд дараах барилдааныг гүйцэтгэлээ. 

Комүсүби Оошёоүма П.Дэлгэрбаяр /1-4/ - Маэгашира /1/ Вакамотохару /1-4/
Секивакэ Киришима Б.Лхагвасүрэн /4-1/ - Маэгашира /1/ Аонишики /4-1/ 
Маэгашира /3/ Онокацү Б.Чойжилсүрэн /1-4/ - Озеки Котозакура /3-2/
Маэгашира /4/ Тамаваши Б.Мөнх-Оргил /4-1/- Маэгашира /6/ Такеруфүжи /3-2/
Маэгашира /9/ Чиёошома Г.Мөнхсайхан /0-5/ - Маэгашира /11/ Токихаяатэ /2-3/

Жич: Дөрөв дэх өдрийн барилдаанд давсан бөхчүүдийн нэрийг тодруулан тэмдэглэсэн болно