Энэ сарын 18-19-ны өдрүүдэд Саудын Арабын Жеддах хотноо FIBA 3x3 сагсанбөмбөгийн World Tour Final тэмцээн зохион байгуулагдана. 

Тус тэмцээнд дэлхийн шилдэг 12 баг урилгаар оролцож байгаа ба Улаанбаатар ММС Энержи баг анх удаа оролцох юм. Манай баг чансааны 9-д эрэмбэлэгдсэн тул А хэсэгт Сербийн алдарт Лиман, UB багуудтай багтсан байна. 

Тус тэмцээнд Серб улсаас Лиман, Нови Сад, UB зэрэг шилдэг гурван баг орж байгаа бол Литва улсаас Сакай, Юниклуб зэрэг хоёр баг, харин Монгол, АНУ, Швед, Саудын Араб, Нидерланд, Словени, Латви зэрэг улсаас тус бүр нэг баг оролцож байна. 

Тэмцээний эхний зургаан байранд орсон багууд мөнгөн шагналаар /ам.доллар/ шагнагдах ба шагналын санг тодруулбал:

I - 60,000$
II - 40,000$
III - 28,000$
IV - 18,000$
V - 12,000$
VI - 8,000$

Тэмцээн 12 дугаар сарын 18-ны өдөр Лиман /Серби/ болон Улаанбаатар ММС Энержи /Монгол/ багуудын тоглолтоор эхэлнэ. 

Манай багийн тоглолтын хуваарь: /Улаанбаатарын цагаар/

• 12 дугаар сарын 18-нд 22:40 цагт Лиман - Улаанбаатар ММС Энержи
• 12 дугаар сарын 19-нд 02:30 цагт UB - Улаанбаатар ММС Энержи 

Спорт мэдээ, мэдээллийн www.lievtv.mn/sport суваг уламжлал ёсоор FIBA 3x3 сагсанбөмбөгийн World Tour Final тэмцээнийг үзэгчдэдээ зориулан шууд дамжуулан үзүүлнэ.