Эдийн засаг уурхайн салбараас 72 хувийн хамааралтай болжээ
Дэлхийн банкнаас “Төсвийн зардлын тойм судалгаа”-г өчигдөр танилцууллаа. Тэдний зүгээс өрийн дарамтгүй, тогтвортой бөгөөд хүртээмжтэй эдийн засгийг бий болгох, материаллаг бааз, сууриа бэхжүүлэхийг зөвлөсөн юм.
Мөн төсвийн орлогод хамаарч буй уул уурхайн салбарын нөлөөллийг бууруулах, орлогын шаталсан системийг аажмаар нэвтрүүлэхийг тайланд тусгажээ. “Эдийн засгийн өсөлт нь уул уурхайгаас хэт хамааралтай байгаа гол шалтгаан нь мөчлөг дагасан төсвийн тэлэлт бий болсонтой холбоотой” хэмээн Монгол Улсыг хариуцсан ахлах эдийн засагч, ноён Жон-Паскаль үзэж байв.
1990-2004 онд манай эдийн засаг уул уурхайгаас 44 хувийн хамааралтай байсан бол 2018 онд 72 хувь болж өссөн байна. Энэ хамаарал нь төсвийн зардлын тэлэлтийг бий болгосон гэж үзсэн байна. Түүнчлэн нийгэмд чухал үүрэг гүйцэтгэдэг боловсрол, эрүүл мэндийн салбарт өртөг өндөр тоног төхөөрөмжийн зардал их байсан бол сургалтын материалын зардал бага байсан. Засгийн газраас төсвийн тогтвортой байдлыг сэргээх, төсөвт бүтцийн реформ хийх, хөрөнгө оруулагчдын итгэлийг сэргээх “Нэмбэл хас” зарчмыг хэрэгжүүлснээр УИХ-ын төсвийг өсгөдөг зардал буурсан байна.
Эх сурвалж: "Зууны мэдээ" сонин
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.