Л.Пүрэвбаатар: Миний байшинд хүн амьдрах эрхгүй
“Улаанбаатар төмөр зам” ХНН-ийн дарга асан Л.Пүрэвбаатар Хан-Уул дүүргийн нутаг дэвсгэр, Зайсангийн аманд байрлах “Цэцээ гүн” хотхоны 07 тоот хаусыг өнгөрсөн амралтын өдрүүдэд суллаж өгчээ. Тэрбээр өөрийн санаачлагаар тус байрыг чөлөөлөөгүй тохиолдолд өнөөдөр 10.00 цагаас ШШГЕГ-аас албадан чөлөөлөх байсан юм.
Бид Л.Пүрэвбаатартай утсаар холбогдож, “Улаанбаатар төмөр зам” ХНН-ийн 1.5 тэрбум төгрөгийн хөрөнгөөр худалдан авсан хаусыг чөлөөлж өгсөн асуудлаар үргэлжлүүлэн маргах эсэхийг тодруулахад “Улаанбаатар төмөр зам” ХНН-ийн дарга асан Л.Пүрэвбаатар:
“Би өнгөрсөн амралтын өдрүүдэд өөрийнхөө санаачлагаар 07 тоот байшинг чөлөөлж, нүүсэн. Шүүхийн шатанд маргаан үргэлжилж байгаа. Шүүхийн шийдвэр эцэслэн гарахаас өмнө миний байшинд ямар ч хүн амьдрах эрхгүй” гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.