Л.Пүрэвбаатар: Миний гэрийг албадан чөлөөлөөгүй
"Улаанбаатар төмөр зам" хувь нийлүүлсэн нийгэмлэгийн дарга асан Л.Пүрэвбаатарын 1.5 тэрбумын үнэтэй хаусыг албадан чөлөөлж байна гэдэг мэдээллийн дагуу Л.Пүрэвбаатартай утсаар холбогдон тодрууллаа.
"Улаанбаатар төмөр зам" ХНН-ийн дарга асан Л.Пүрэвбаатар:
Би яг одоо гэртээ байна. Албадан чөлөөлсөн асуудал огт байхгүй. Бүх зүйл хууль номынхоо дагуу явна. “Шилэн” Цогоо, Д.Жигжиднямаа мэтийн муу муухай юмнуудын зүгээс нийгэмд зориудаар тарааж байгаа худал дуулиануудын л нэг байна гэх тайлбарыг өглөө.
Л.Пүрэвбаатар нь “Улаанбаатар төмөр зам” ХНН-ийн даргаар ажиллаж байх үедээ байгууллагынхаа хөрөнгөөр 1.5 тэрбум төгрөгөөр хувьдаа хаус худалдан авсан бөгөөд “Жирийн нэг компанийн захирал хүн 1.5 тэрбумын үнэтэй хаусанд амьдарч байхад Улаанбаатар төмөр замын дарга хүн яахаараа тийм үнэтэй байранд амьдарч болдоггүй юм” гэх тайлбарыг манай телевизэд өмнө нь өгч байсан билээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.