Өнөөдөр Улаанбаатарт бороотой

Өнөөдөр Нийслэл Улаанбаатар хот болон нутгийн төв хэсгээр аадар бороо орох тул үер усны аюулаас сэрэмжлүүлж байна.

Ус, цаг уур орчны шинжилгээний газраас өнөөдөр ихэнх нутгаар үүлэрхэг, баруун аймгуудын зүүн, төвийн аймгуудын ихэнх нутаг, говь болон зүүн аймгуудын  зарим газраар дуу цахилгаантай бороо орно. Салхи нутгийн баруун хагаст баруун хойноос, бусад нутгаар зүүн өмнөөс секундэд 6-11 метр, нутгийн зарим газраар секундэд 14-16 метр хүрч ширүүснэ. Дархадын хотгор, Алтай, Хангай, Хөвсгөл, Хэнтийн уулархаг нутгаар 14-19 хэм, Их нууруудын хотгор, Алтайн өвөр говь, говийн аймгуудын нутгийн өмнөд хэсгээр 25-30 хэм, бусад нутгаар 19-24 хэм дулаан байх байх тул үер усны аюулаас сэрэмжилж, онц шаардлагагүй бол хөдөө орон нутаг руу зорчихгүй байхыг анхаарууллаа.