Шинэ Зеландын Крайстчөрч хотын сүмүүдэд халдлага үйлдэж 51 хүний амийг хороосон гэмт этгээдийг шүүхээс 40 орчим зүйл ангийн ял тулгаж шүүж байна. Гэмт этгээд шүүхийн өмнө гэм буруугүй гэсэн байр сууриа хамгаалжээ.

28 настай Австралийн иргэн Брентон Таррант Шинэ Зеланд улсын түүхэнд байгаагүй аллагын гэмт хэрэг үйлдсэн. Түүний эсрэг санаатайгаар хүн амины гэмт хэрэг, террорист халдлага үйлдсэн зэрэг ял тулгаж байна.

Өнгөрсөн гуравдугаар сарын 15-ны өдөр гарсан халдлага Шинэ Зеландын түүхэнд анх удаа терроризмын сэдэлтэй хүн амины гэмт хэрэг болсон ба дэлхийн нийтийг цочирдуулсан юм. Гэмт этгээд галт зэвсгээр сүмийн мөргөлчдийг буудаж байгаагаа Facebook-ын livestream-р шууд дамжуулан үзүүлсэн.

Түүний гарт амиа алдсан олон 10 хохирогчийн ар гэрийнхэн шүүхийн танхимд цугласан ба өмгөөлөгч нь түүнийг гэм буруугүй гэж үзэж байгаа хэмээн зарлажээ. Дараагийн шүүх хурал ирэх оны тавдугаар сарын 4-ний өдөр болох ба энэ наймдугаар сарын 16-ны өдөр сэжигтнээс мэдүүлэг авах юм. Шүүгчид шийдвэрээ гаргах хүртэл гэмт этгээдийг саатуулсан хэвээр байна.

 

Эх сурвалж: www.bbc.com

---