LIVE: С.Эрдэнэ: Сүхбаатарын талбайд болсон эсэргүүцлийн жагсаалд 30 000 иргэн оролцсон
- УИХ-ын гишүүн, АН-ын дарга С.Эрдэнэ Төрийн ордонд мэдээлэл хийлээ -
-Сүхбаатарын талбайд өчигдөр бүх ард түмний хариуцлага нэхэх жагсаал болсон. Жагсаал нь нийгэмд үүсч буй хүндрэлтэй асуудал, мах, бензиний үнийн бодлого алдагдсан, төрийн зохицуулалт байхгүй болсон гэдгийг шүүмжилж хүргэх зорилготой байсан.
30 орчим мянган иргэн Сүхбаатарын талбайд цугласан. 19 мянган орчим иргэн хөдөө орон нутгийн 21 аймгийн төв талбайд мөн жагсч, цугласан мэдээ байна.
Жил бүр 3000 гаруй хүн аваар ослоор нас барж байна. Өдөрт 7-8 хүн нас барж байна. Үүний цаана хариуцлага хүлээж байгаа хэн ч байхгүй.
2016 онд Монгол улсын нийт гадаад өр 24 тэрбумаар хэмжигдэж байсан бол 2018 оны эхний улирлын байдлаар 5,5 тэрбум доллаар нэмэгдэж 29,5 тэрбумд хүрлээ. Цаашид энэ янзаараа байвал 2021 он гэхэд эдийн засагт “Улаан гэрэл” асах аюул нүүрлэсэн.
Өдөр шөнөгүй өр төлөөд байсан Сангийн сайд Ч.Хүрэлбаатар юугаараа өр төлсөн юм бэ?
Ийм гамшгийн үе өнөөдөр тохиож байгаа учир бид эсэргүүцлийн жагсаал зохион байгуулсан.
Гэтэл эрх баригчид увайгүй үйлдлээ давтаж үнэгүй талон тарааж, үнэгүй хот үзүүлнэ гэж автобус явуулсан байна. Манай жагсаалд оролцогчдын барьсан уриа лоозонгийн үгийг фотошопоор өөрчилж, биднийг муухай харагдуулахыг хичээлээ, гэвч чадаагүй. Тиймээс сөрөг хүчин хариуцлагын тогтолцоог бий болгохын төлөө тэмцлээ үргэлжлүүлнэ гэлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.