Данийн тэрбумтан хэрхэн Шотландад хамгийн том газар эзэмших болсон бэ?

Данийн хамгийн чинээлэг эрхэм тэрбумтан Андерс Хольх Повлсен, түүний гэргий Энн нар Шри Ланкын халдлагаар дөрвөн хүүхдийнхээ гурвыг алдсанд Шотландын ард түмэн гашуудлаа илэрхийлж, тэдэнд сэтгэл санааны дэмжлэг үзүүлж байсанд талархлаа илэрхийлсэн билээ. Повлсены гэр бүл Шотландын байгалийн үзэсгэлэн бүрдсэн хамгийн том газрыг эзэмшигчид юм.

Хувцас загварын ертөнцийн шилдэг бизнес эрхлэгч яагаад Шотландад хамгийн том газар эзэмшдгийг ВВС агентлаг сонирхжээ.

Жил бүр Шотландын үзэсгэлэнт байгаль, уулархаг нутгийг зорьдог олон зуун мянган жуулчны адилаар Повлсен 1980-аад оны үед эцэг эхийн хамт ирж байжээ. Анх ирснээсээ хойш 20 жилийн дараа дахин ирэхдээ энэ улсад татагдаж загасчлах дуртай болсон гэнэ. Тэр 2006 онд найман сая фунт стерлингээр Кайрнгормст 17,000 га талбай бүхий Гленфешийн эдлэн газрыг худалдаж авсан байна.

Британийн телевизийн цуврал, бүрэн хэмжээний кинонд олонтаа гардаг 1880 онд баригдсан Гленфешийн харшийг Повлсен гэрээ болгожээ. Энэ жил 46 настай тэрбумтэн гэргийн хамт 12 эдлэнгийн 90,000 га газрыг эзэмшдэг байна.  Ингэснээр Шотланд дахь хамгийн том газар эзэмшигч болсон бөгөөд зарим эх сурвалжууд тэднийг Шотландад төдийгүй Их Британид хамгийн том газрын эзэд гэж үздэг.

Asos брэндийн эзэн Повлсены дараа Дубайн тэрбумтан Шейх Мохаммед бин Рашид аль Мактум Шотландын 25,000 га газрыг худалдаж авснаар хоёр дахь том газрын эзнээр нэрллэгддэг ажээ.

Эх сурвалж: www.bbc.com