МАН Хэнтийн 42 дугаар тойрогт МУГЖ дуучин Г.Эрдэнэбатыг сойж байна
Хэнтий аймгийн нөхөн сонгуульд нэр дэвшигчийг Сонгуулийн хуулийн дагуу тавдугаар сарын 24-28-ны өдрүүдэд Сонгуулийн ерөнхий хороонд бүртгүүлнэ
Хэнтий аймгийн 42 дугаар тойргийн нөхөн сонгууль дөхөж буйтай холбогдуулан нэр дэвшигчээ намын бага хурлаасаа тодруулах эсэх асуудлыг хэлэлцэхээр өнөөдөр МАН-ын Удирдах зөвлөл төрийн ордонд хуралджээ. Хурлаар МАН-ын Бага хурлыг ирэх долоо хоногийн мягмар гаригт буюу энэ сарын 28-нд хийхээр товлосон аж.
Тус намаас Хэнтий аймгийн нөхөн сонгуульд МАН-ын дарга У.Хүрэлсүх нэр дэвшиж магадгүй гэсэн мэдээлэл байгаа юм. Мөн "намын дарга нэр дэвшинэ" гэсэн мэдээллийг өрсөлдөгч намуудад хүргэсний дараа нэр дэвшигчээ сольж өөр хүн өрсөлдүүлж магадгүй гэсэн яриа ч гарч байна. Энэ мэдээлэлтэй зэрэгцэн шинэхэн байгуулагдсан БСШУСЯ-ны харъяа Соёл урлагийн газрын даргаар томилогдсон МУГЖ, дуучин Г.Эрдэнэбат сонгуульд бэлдэн өөрийгөө сойж байгаа бололтой.
Тэрбээр өнгөрсөн 2016 оны сонгуульд МАН-аас нэр дэвших сонирхолтой байсан ч тойрог олдоогүй гэх шалтгаанаар хоосон үлдсэн нэгэн.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.