Ялалтын баярын жагсаал: Путин юу хэлэв?
Өнөөдөр Орос оронд Дэлхийн хоёрдугаар дайнд ялалт байгуулсны 74 жилийн ой тохиож цэргийн жагсаал сүр жавхлантайгаар болж өндөрлөлөө. ОХУ-ын Ерөнхийлөгч Владимир Путин 16 дахь жилдээ Ялалтын баярын жагсаалд үг хэлж байгаа тухай барууны хэвлэл мэдээллийн хэрэгслүүд дамжуулав. Энэ жил гадны хүндэт зочид төлөөлөгчдийг уриагүй хэмээн Кремлийн ордноос мэдэгдэж байсан юм. Агуу ялалтын баярын жагсаал дайны он жилүүдийг эргэн дурсаж, ахмад дайчид тэдний дурсгалд хүндэтгэл үзүүлэх түүхэн өдөр билээ.
В.Путин жагсаалын нээлтийн үеэр хэлсэн үгэндээ Орос улс зэвсэгт хүчнээ үргэлжлүүлэн хөгжүүлж хүчирхэгжүүлнэ хэмээн мэдэгдсэн юм. Мөн "бид зэвсэгт хүчний байлдааны хүчин чадлыг хангалттай хэмжээнд өргөж ирсэн шигээ үргэлжлүүлэн батлан хамгаалах болно. Орос орон терроризм, нацистуудыг дэмжигчид, хэт даврагсдын эсрэг зогсоход бэлэн хэнтэй ч хамтран ажиллахад нээлттэй" хэмээн хэлжээ.
Москвагийн Улаан талбайд болсон Ялалтын баярын жагсаалд 13,000 цэрэг дайчин, 130 ширхэг цэргийн тоног төхөөрөмж жагссан байна.
Эх сурвалж: www.washingtonpost.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.