LIVE: М.Болдсайхан: Монгол хэл бичгийн эхний шалгалтанд 3700 хүүхэд, дахин шалгалтанд 450 нь тэнцээгүй
Энэ жил Монгол хэл бичгийн шалгалтанд 3500 хүүхэд тэнцээгүй бөгөөд дахин шалгалтанд 1000 хүүхэд тэнцээгүй гэсэн мэдээлэл гарч байгаа билээ. Тэгвэл энэ талаар Боловсролын үнэлгээний төвийн ахлах мэргэжилтэн М.Болдсайханаас тодрууллаа.
Түүний хэлж буйгаар энэ жил 18200 орчим хүүхэд Монгол хэл, бичгийн улсын шалгалт өгчээ. Шалгалтанд эхний ээлжинд 2700 орчим хүүхэд, өнгөрсөн оныхтой нийлээд 3700 орчим хүүхэд тэнцээгүй байна. Харин шалгалтандаа тэнцээгүй хүүхдүүдээс дахин шалгалтыг 04-р сарын 20-нд авахад 450 орчим нь тэнцээгүй байна. Гэвч энэ нь хэвийн үзэгдэл гэж мэргэжилтнүүд үзэж байна.
Ер нь жил ирэх бүр Монгол хэл бичгийн хичээлийн чанар сайжирч, шалгуулагчдын оноо ч өсч байгаа гэх мэдээллийг өглөө.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.