Ч.Туяа: "Алтан Дорнод Монгол" ХХК-ийн хууль бус бүх үйлдлийг шалгуулна
Ерөнхий сайд, ЗГХЭГ-ын дарга улсын төсвийн хөрөнгөөр хийгдсэн тусгай зөвшөөрлүүдийг улс мэдэлдээ авах талаар ард иргэддээ мэдээлсэн байдаг. Тэгвэл "Хан Хэнтий аав Хатан Онон ижийгээ хамгаалах холбоо" ТББ-ын тэргүүн Ч.Туяа “Алтандорнод Монгол” ХХК-ийн улсын төсвийн хөрөнгөөр 1971 онд хайгуул хийсэн талбайнуудыг улс мэдэлдээ авна уу гэх хүсэлтийг Ерөнхий сайдад хүргүүлж байна. Тус компанийн тусгай зөвшөөрлүүдийг буцаан авахад хэрэгтэй нотлох баримтуудыг Ерөнхий сайдад өгнө.
2012 онд таван яамны сайд нар хамтран Ажлын хэсэг байгуулан “Алтандорнод Монгол” ХХК-ийн өрийг барагдуулсан тухай шийдвэр гаргасан нь хууль зөрчсөн байдаг. Уг асуудлаар 2014 онд АТГ-т баримт нотолгоотой өргөдөл өгсөн ч одоо хүртэл шалгаж байна гэдэг хариу өгдөг. Түүнчлэн “Алтандорнод Монгол” ХХК ТЕГ-т 20 гаруй сая ам.доллараар хохироосон баримтыг олсон байгаа. Гэвч ТЕГ-ын зүгээс тус компанийг өргүй гэдэг ч Сангийн яам, Ерөнхий Аудитын газарт дээрх татвараа төлсөн баримт байдаггүй. Энэ бүх асуудлыг нэгтгэн хууль хяналтын байгууллагад дахин шалгуулахаар болжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.