Дэлхийн II дайны үед живсэн “Төмөр титэм” 77 жилийн дараа олдлоо

Дэлхийн хоёрдугаар дайны үед Японы усан цэргийн армийн дайралтад өртөн живсэн  Австралийн “Төмөр титэм” ачааны хөлөг онгоцыг олсон тухай мэдээллээ. Усан онгоцыг Викториа мужийн эрэг орчимд торпедо цэнэгээр буудаж сөнөөж байжээ.

1942 онд хөлөг ердөө 60 секундын дотор живж, багийн 38 гишүүн амиа алдаж тав нь амь аврагдсан байдаг. Австралийн Үндэсний далай тэнгисийн музейн хайгуулын баг хөлгийг эрж хайсаар Викториагийн эргээс 100 км зайд, далайн мандлаас 700 метрийн гүнд олсон байна.

Хайгуулчид 100 метр урт хөлгийг олохын тулд дуу авиагаар илрүүлэгч төхөөрөмж, газрын зураг, камер ашиглажээ. Викториа мужийн өв соёлыг хамгаалах газрын археологич Петр Харвигийн хэлснээр “Төмөр титэм” Өмнөд Австралиас Шинэ өмнөд Уэльс рүү хүдэр тээвэрлэж байгаад дайралтад өртсөн гэж үздэг байна.

Уг дайралтаас амьд үлдсэн таван далайчнаас хамгийн сүүлд үлдсэн эрхэм 2012 онд таалал төгсжээ. Австралийн түүхэнд тодоор бичигдэн үлдсэн түүхэн үйл явдлын гэрч болсон хөлөг онгоцыг олсноор үндэсний хэмжээнд чухал ач холбогдолтой үйл хэрэг боллоо хэмээн албаныхан өндрөөр үнэлж байна.

Эх сурвалж: www.bbc.com