“Рио Тинто”-гийн Монгол дахь захирал ажлаа өгчээ
Т.САЙХАН
“Оюутолгой” төслийн хөрөнгө оруулагч “Рио Тинто” компанийн Монгол дахь үйл ажиллагаа хариуцсан захирал Д.Мөнхтүшиг ажлаа өгсөн талаар ярьж эхэллээ. Тэрээр 2018 онд уг албан тушаалд томилогджээ. Үргэлжлүүлэн ажиллах боломжгүйгээ хувийн шалтгаантай гэж тайлбарласан байна.
Мөн түүний оронд дэд захирлаар нь ажиллаж байгаа Х.Амаржаргал очиж магадгүй гэх яриа ч гарчээ. Х.Амаржаргал нь Их Британийн Дандигийн их сургуулийг хуульч мэргэжлээр төгссөн. “Рио Тинто”-гийн Лондон дахь оффист Азийн бүсийн бизнес хөгжлийн мэргэжилтнээр ажиллаж байгаад “Оюутолгой” компанид ирсэн байдаг.
Ирэх долоо хоногт УИХ-ын чуулганаар Оюутолгойн гэрээнд шалгалт хийсэн ажлын хэсгийн санал, дүгнэлтийг хэлэлцэнэ. Үүний өмнө Монгол дахь үйл ажиллагаа эрхэлсэн захирал нь ажлаа өгч байгаа нь анхаарал татаж байна.
2019.4.19 № 81 (6048)
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.