Банкны тамга, тэмдэг хуурамчаар үйлдэн их хэмжээний мөнгө залилжээ
Цагдаагийн байгууллагаас энэ сарын 11-нд хуурамч, тамга тэмдэг ашиглан бусдыг залилан мэхэлсэн бүлэг этгээдийг илрүүлэн, баривчилжээ. Эдгээр этгээдүүд арилжааны банк, төрийн болон төрийн бус байгууллагын тамга, тэмдэг, бичиг баримтыг хуурамчаар үйлдэж их хэмжээний мөнгө угаах, залилан мэхлэх гэмт хэрэг үйлджээ. Ихэвчлэн арилжааны банкуудын тамга, тэмдэг, нотариатын байгууллагуудын тамга, эрх, үл хөдлөх хөрөнгийн гэрчилгээ, ТҮЦ машины лавлагаа, хорооны лавлагаа зэргийг зэрэг маш олон төрлийн бичиг баримтыг ижил жинхнээс нь ялгарахгүй, төстэйгээр хуурамчаар үйлдсэн байна.
Тиймээс арилжааны банкууд иргэдэд зээл гаргаж өгөхдөө бүрдүүлж байгаа материалууд нь үнэн худал эсэхийг нягталж, шалгах, их хэмжээний зээлийг гаргах бол бодитоор очиж шалгах шаардлагтайг Цагдаагийн байгууллагаас сэрэмжлүүлж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.