Газ дахь амьтны хүрээлэнг Йордан руу нүүлгэжээ
Газын зурваст байдаг амьтны хүрээлэнд хоол хүнс, бусад хангамж үгүй болсноор сульдаж ядарсан, өлсөж цангасан 40 гаруй амьтан Йорданд иржээ. Four Paws олон улсын амьтны эрхийг хамгаалах байгууллагаас маш хүнд нөхцөлд байсан арслан, сармагчин, тэмээн хяруул, тогос, толбот цөөвөр чоно зэрэг амьтдыг аварч тээвэрлэсэн байна.
Газын өмнөд хэсэгт байдаг Рафа амьтны хүрээлэнгийн эзэн Фати Йома эдийн засгийн хүнд байдалд орсноор амьтдаа хооллож, тэжээх аргагүй болжээ. Тэрээр “эцэж турсан амьтдаа явуулахад гэр бүлийнхнээ алдаж байгаатай адил хэцүү байсан. Би эдний заримтай нь бараг 20 жил хамт амьдарсан. Одооноос илүү сайн газарт очиж илүү дээр амьдарна гэдэгт итгэлтэй байна” гэжээ.
Өнгөрсөн хугацаанд Йомагийн амьтны хүрээлэнд дөрвөн гүег, нэг сармагчин, үхэр зараа өвлийн хүйтнээс болж амиа алдсан байна. Одоо Рафа амьтны хүрээлэнд цөөн тооны шувуу үлджээ. Израйль, Египет аюулгүй байдлын үүднээс Газад хорио тавьснаар эндэхийн оршин суугчид маш хүнд он жилүүдийг өнгөрөөж байна. Үүний уршгаар Палестины газар нутаг хумигдаж, хоёр сая иргэнд эдийн засгийн хүнд нөхцөл байдал нүүрлэсэн.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.