Оросын цэргийн онгоцууд Венесуэлд газарджээ
Оросын армийн хоёр онгоц өнгөрсөн бямба гарагт Венесуэлийн нисэх буудалд газарджээ. Онгоцуудад цэргийн албан хаагчид, армийн тоног төхөөрөмж байсан гэж хэвлэлүүд мэдээлээд байна.
Венесуэлийн сурвалжлагч Жавиер Майорка Твиттертээ Оросын цэргийн Антонов-124 болон Ильюшин ИЛ-64 онгоцуудаас 100 цэрэг, 35 тн тоног төхөөрөмж буусан гэжээ. Цэргүүдийг генерал Василы Тонкошкуров удирдаж байсан тухай бичсэн байна. Одоогоос гурван сарын өмнө Орос, Венесуэл улсууд хамтарсан цэргийн сургуулилалт хийсэн юм.
Ерөнхийлөгч Николас Мадурогийн ойрын холбоотон Оросын Засгийн газар газрын тосны аж үйлдвэрээ сэргээх, цэрэг армиа шинэчлэхэд хэдэн тэрбум ам.долларын зээл өгөөд байна. Мөн хүмүүнлэгийн тусламж, эм бэлдмэлийг хүргүүлсээр байхаа мэдэгджээ.
Сөрөг хүчний удирдагч Хуан Гуаидог дэмжигч орнуудыг Оросын тал хурцаар шүүмжлэн буруутгаж байгаа юм. АНУ-ын тавьсан эдийн засгийн хоригийг Москва хэрэгжүүлэхээс татгалзаж Венесуэлтэй харилцаагаа улам бататгасан.
Бямба гарагт ирсэн хоёр онгоцны нэг ням гарагт буцсан тухай Reuters мэдээлжээ.
Эх сурвалж: www.reuters.com, www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.