Наурызын баярыг дэлхий даяар 300 сая хүн тэмдэглэнэ
Жил бүрийн гуравдугаар сарын 22-нд өдөр шөнө тэнцэхээс гадна исламын шашинтнуудын нарны баяр буюу хаврын баяр тохиодог. Энэ жил наурызын баярыг Балканаас Хар тэнгис, Төв Азиас Ойрхи Дорнод хүртэл дэлхий даяар 300 сая хүн тэмдэглэнэ гэжээ.
Наурыз гэдэг нь шинэ өдөр гэсэн утгатай бөгөөд нарны баяр ч гэж нэрлэдэг. Цагаан сар, шинэ жил, зул сарын баярын адил дэлхийн исламын шашинтнууд, Монголын казах түмэн гэр бүлээрээ цуглаж, идээ шүүс бэлтгэн найрладаг уламжлалтай. Уг баярыг Персээс гаралтай гэж судлаачид үздэг.
Эх дэлхийг халуун дулаан элчээрээ амьдруулдаг наран ээж наашилж шинэ бүхний эхлэл болгон тэмдэглэдэг учраас шашны баяр гэж ойлгож болохгүй хэмээн судлаачид ярьжээ. Афганистан, Албани, Энэтхэг, Иран, Турк, Туркменистан, Орос, Ирак болох Казахстан зэрэг орнуудын хүсэлтээр НҮБ Олон улсын наурызын баярыг 2010 онд албан ёсоор хүлээн зөвшөөрч байжээ.
Ираны цаг тооны бичгээр 1398 оны хаврын эхний өдрийг угтаж буй 3,000 гаруй жилийн түүхтэй баярын урьд орой айл өрх бүр орон гэрээ цэвэрлэж, идээ зоогоо бэлдэнэ. Тэр чинээгээр тухайн жилдээ элбэг дэлбэг, аз хийморьтой явна гэж үздэг байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.