IPad Air, IPad mini шинэ загваруудыг танилцууллаа
Apple компани ойрын жилүүдэд шинэчлээгүй байсан iPad Air болон iPad mini загваруудыг шинэ долоо хоногийн эхэнд танилцууллаа.
IPad Air-ын хэмжээ өмнөхөөсөө томорч 10,5 инч дэлгэцтэй болсон ба үнэ нь 499 ам.доллараас эхэлж байна.
Харин iPad mini өмнөхтэйгээ адил хэмжээтэйгээр үйлдвэрлэгдсэн ба үнэ нь 399 ам.доллараас эхэлжээ.
Хурдны хувьд гурав дахин нэмэгдэж, ухаалаг товчлуур, Apple Pencil-ийг хэрэглэгчдэдээ санал болгожээ.
Apple компанийн зүгээс iPad mini-г ихэнхдээ хөгжилдөх зорилгоор оюутан сурагчид, өсвөр насныхан ашиглахад илүү тохиромжтой гэж мэдэгдсэн байна.
IPad Air илүү нимгэн, өнцөг булан нь дугуйрснаас гадна үнийн хувьд хямд учир борлуулалтад чамгүй хувь нэмэр оруулна гэж үзэж байна.
Энэ сарын 25-ны өдөр Apple-ын хаврын танилцуулга үйл ажиллагаа болно. Уг танилцуулга дээр илүү дэлгэрэнгүй мэдээлэл өгнө гэжээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.