ШУУД: УИХ-ын ээлжит бус чуулган нээлтээ хийлээ

УИХ-ын дарга Г.Занданшатар өнгөрсөн долоо хоногт захирамж гаргаж, ээлжит бус чуулганыг 2019 оны 03 дугаар сарын 18-ны өдрөөс 03 дугаар сарын 29-ний өдрүүдэд зарлан хуралдуулахаар товлон зарласан билээ. 

Уг захирамжийн дагуу өнөөдөр УИХ-ын ээлжит бус чуулганы нээлт боллоо.

Нээлтийн дараа УИХ дахь намын бүлгүүдийн хуралдаан болох юм. 

Энэ удаагийн Улсын Их Хурлын ээлжит бус чуулганаар дараах асуудлуудыг хэлэлцэхээр төлөвлөжээ

Үүнд:  

1/ Татварын ерөнхий хуулийн шинэчилсэн найруулгын төсөл;

2/ Аж ахуйн нэгжийн орлогын албан татварын тухай хуулийн шинэчилсэн найруулгын төсөл;

З/ Хувь хүний орлогын албан татварын тухай хуулийн шинэчилсэн найруулгын төсөл;

4/ Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төсөл;

5/ Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төсөл;

6/ Зэвсэгт хүчний Жанжин штабын даргыг томилох саналыг зөвшилцөх тухай асуудал;

7/ Улсын ерөнхий прокурорын орлогчийг зөвшилцөх тухай асуудал;

8/ Авилгатай тэмцэх газрын дарга, дэд даргыг томилох тухай асуудал.

УИХ-ын ээлжит бус чуулганы нээлтийг нийт 61 гишүүн буюу 81.3 хувийн ирцтэйгээр эхлүүллээ. Өнөөдөр чуулганы нээлтэнд С.Жавхлан, Д.Мурат, Г.Солтан, Д.Дамба-Очир, Ж.Мөнхбат, Х.Болорчулуун, М.Билэгт, Г.Мөнхцэцэг, Ц.Нямдорж, Д.Сумъябазар, Б.Энх-Амгалан нарын 14 гишүүн хуралдаа ирээгүй байна. Яг одоо намын бүлгүүд хуралдаж эхэллээ.