Үерийн улмаас 10 гаруй хүн амиа алдаад байна
Бразилийн ихийн их хот гэгддэг Сан Паулод үерийн аюул нүүрлэжээ. Латин Америкийн эдийн засаг, бизнесийн төв болсон хотод үер болсноос 11 хүн амиа алдаад байгаа тухай Reuters мэдээлэв. Үерийн ус зам руу орж автомашинуудыг байшингийн дээвэр, модод руу түрж аваачсан байна. Хотын захиргаанаас ширүүн бороо үргэлжлэн орох аюултай байгаа гэдгийг анхааруулжээ.
Амиа алдсан хүмүүсийн тав нь үерийн усанд живсэн ба тэдний дунд нэг нярай амьдаараа хөрсний нурангид дарагдсан байна. Энэ сард Сан Пауло хотод орох нийт хуртунадасны 70 хувьтай тэнцэхүйц хэмжээний их бороо орсон гэж тооцжээ. Хот хоорондын галт тэрэг, автобус түр хугацаанд үйл ажиллагаагаа зогсоогоод байна.
Үерийн бүсэд үйл ажиллагаа явуулдаг Mercedes Benz-ийн ачааны машин, автобус үйлдвэр усанд автсан тухай орон нутгийн хэвлэл мэдээллийн хэрэгслээр дамжууллаа. Германы үйлдвэр Бразилид байдаг бусад үйлдвэрүүдээс хамгийн том нь ба жилд 21,153 тээврийн хэрэгсэл зах зээлд нийлүүлдэг байна.
.jpg)
Эх сурвалж: www.reuters.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.