Жил бүр “Эх үрсийн баяр”-ын өдрийг тохиолдуулан Монгол улсын Ерөнхийлөгчийн зарлигаар олон хүүхэд төрүүлж өсгөсөн эхчүүдэд Алдарт эхийн одон олгодог билээ. Зургаан хүүхэд төрүүлж өсгөсөн эхчүүд Алдар эхийн I зэргийн одонгоор, дөрвөн хүүхэд төрүүлж өсгөсөн эхчүүд Алдарт эхийн II зэргийн одонгоор шагнагдах болзол хангаж байгаа юм. Гурван нас хүрээгүй байхад нь үрчилж авсан хүүхдийн тоо дээрх төрүүлж өсгөсөн хүүхдийн тоонд орох бөгөөд хүнд хүүхдээ үрчлүүлсэн бол үрчлүүлсэн хүүхэд эхийн одон авах хүүхдийн тоонд орохгүй. Мөн хүүхдээ төрүүлж 1 нас хүртэл өсгөөд байгалийн гамшиг, үер усны гэнэтийн аюулаар хүүхдээ алдсан бол тухайн нас барсан хүүхэд эхийн одон авах хүүхдүүдийн тоонд багатахаар хуульчилж өгсөн.

Та дээрх шалгуурыг хангасан бол дараах бичиг баримтыг бүрдүүлж багийн Засаг даргадаа өөрийн биеэр хүлээлгэж өгөөрэй. Одонгийн материалыг ирэх сарын 5-н хүртэл хүлээж авах гэнэ. 

Гурван нас хүрээгүй байхад нь үрчилж авсан хүүхдийн тоо дээрх төрүүлж өсгөсөн хүүхдийн тоонд орох бөгөөд хүнд хүүхдээ үрчлүүлсэн бол үрчлүүлсэн хүүхэд эхийн одон авах хүүхдийн тоонд орохгүй

Бүрдүүлэх материал:
1. Одон авахыг хүссэн эхийн хувийн өргөдөл, хорооны засаг даргын цохолттой өргөдөл.
2. Одон авах эхийн иргэний үнэмлэхний хуулбарыг нотариатаар батлуулсан байна.
3. Төрүүлсэн хүүхдүүдийн төрсний гэрчилгээ мөн насанд хүрсэн хүүхдүүдийн иргэний үнэмлэхний хуулбарыг нотариатаар батлуулсан байна.
4. Хүүхэд үрчилж авсан бол үрчлэлтийн гэрчилгээ болон хүүхэд үрчилсэн тухай архивын лавлагаа /хүүхдийг заавал 3 наснаас өмнө үрчилж авсан байх ёстой бөгөөд 3-аас дээш хүүхэд үрчилж авсан бол одонг авах боломжгүй/
5. Бага хүүхдээ төрүүлээд бүтэн 1 нас хүрсний дараа алдарт эх одонг авах эрх үүсэх бөгөөд тухайн үедээ аваагүй эхчүүд хүүхдээ төрснөөс хойшхи лавлагааг архиваас авч баримтыг хавсаргана.
6. 6-н хүүхэд төрүүлсэн алдарт эх 1-р зэргийн одон авах эхчүүд 2-р зэргийн одонгийн үнэмлэхний хуулбарыг нотариатаар батлуулж хавсаргана.
7. 4, 6 хүүхэд нь эсэн мэнд байна.
8. 2 хувь цээж зураг/ 3х4хэмжээтэй /
9. Эхийн иргэний үнэмлэх , хүүхдүүдийн төрсний гэрчилгээг нотариатаар баталгаажуулах . / Насанд хүрсэн хүүхэд иргэний үнэмлэх , төрсний гэрчилгээг хамтад нь /
10. Монгол Улсын Ерөнхийлөгчид өргөдөл гаргах .

 Эхийн одонгийн материалаа бүрдүүлсээр яваад сум, аймгийн ИТХ-ын тогтоол, Монгол улсын Ерөнхийлөгчийн зарлигаас хоцорсон зэрэг шалтгаанаас болж тухайн жилд нэг л удаа Ерөнхийлөгчийн зарлигаар олгодог төрийн дээд одон Алдарт эхийн одонгоосоо хоцордог явдал гарсаар байна.

Тухайн жилдээ эхийн одонгоо авч чадаагүй эхчүүдэд Алдарт эхийн I одонгийн мөнгө 200000 төгрөг, Алдарт эхийн II зэргийн одонгийн 100000 төгрөг нөхөж олгогдохгүйг анхаарна уу?

Мөн таны хүүхдийг төрсөн эсэхийг нотлох бичиг баримт архиваас гарч ирэхгүй байгаа бол та өөрийн харъяа сум дундын шүүхэд цаг алдалгүй хандаж шүүхийн шийдвэр гаргуулж тухайн шүүхийн шийдвэрийн хуулбараа эхийн одон авахаар бүрдүүлж буй материалдаа хавсаргахыг зөвлөж байна.

 

 

 
 

---