ВИДЕО: Он гарсаар архины хордлогын улмаас 829 хүн тусламж үйлчилгээ авчээ
Он гарсаар архины хордлогын улмаас 829 хүн эмнэлгийн тусламж үйлчилгээ авч гурван хүн нас барж, 110 хүн хэвтэн эмчлүүлсэн байна. Нийслэлийн Эрүүл мэндийн газрын 2014-2018 статистик мэдээллээс харахад 97700 гаруй хүн архины улмаас эмнэлгийн тусламж үйлчилгээ авсан байна. Архины хордлогын улмаас 89 хүн нас барж, 5800 гаруй хүн эрүүл мэндийн байгууллагад хэвтэн эмнэлгийн тусламж үйлчилгээ авчээ.
Манай улсын хувьд архи уун агсам согтуу тавьсан иргэдийг эрүүлжүүлэх байр луу ачиж, архины хордлогод орсон бол харьяа дүүргийн нэгдсэн эмнэлэгт хордлого тайлах эмчилгээ хийлгэдэг. Өөрийн хүсэлтээр хорт зуршлаас гарах хүсэлтэй иргэдийн хувьд Наркологийн эмнэлэгт хандан тусламж үйлчилгээ авахаас гадна дүүргийн сэтгэц, Наркологийн багт хандан мэдээлэл зөвлөгөө авах боломжтой аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.