Сайд асан М.Сономпилийн хэргийг мөн адил Прокурорт буцаажээ
УИХ-ын гишүүн, Эдийн засаг хөгжлийн сайд асан Н.Батбаяр нь нэг намын нөхөр Б.Гарамгайбаатарын хамаарал бүхий “Монроуд” компанид Халзанбүргэдэй-Солонготын даваа чиглэлийн 46.3 тэрбум төгрөгийн 100 км авто замыг барих тендерийг эрх мэдлээ хэтрүүлэн өгсөн хэрэгт буруутгагдан, шалгагдаж байгаа билээ. Баянгол дүүргийн Эрүүгийн хэргийн анхан шатны шүүх 2019 оны 02 дугаар сарын 15-нд хуралдаад, хэргийг Прокурорт буцаах шийдвэр гаргасан.
Үүнтэй адил Эрчим хүчний сайд асан М.Сономпилийн албан тушаалаа урвуулан ашиглаж, өөрийн хамаарал бүхий "Залуу Монгол корпораци" ХХК-ийн дансаар авлигын 264 сая төгрөгийг шилжүүлэн авсан, БНХАУ-ын хөрөнгө оруулалттай компанид татвараас нуугдах боломж өгсөн зэрэг хэрэгт эрүү үүсгэн шалгаж байгаа. Түүнтэй холбоотой хэргийг Хан-Уул дүүргийн Эрүүгийн анхан шатны шүүхэд өчигдөр хэлэлцээд дээр дурдсан хэргийн адилаар Прокурорын хяналтад буцаах шийдвэр гаргажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.